Blog Details

Post Image

الفرق بين MEAN Stack vs Full Stack غير اللى كل الناس عارفاه

السلام عليكم عليكم ورحمة الله وبركاته

لو أنت فى المقصورة الرئيسية مش هتشوف حاجه ولو أنت فى المدرجات برضوا مش هتشوف حاجه 😉 بس لو أنت فى مجال تطوير الويب “web development” يبقى أكيد سمعت عن مصطلح “MEAN Stack & Full Stack” وحاولتوا تفهموا ايه هي المصطلحات دى
.

خلينا نتفق أن الويب سايت بيتكون من جزئين , الجزء الاول هو ال “Front End” وده الخاص بالجزء اللى بيظهر للمستخدمين زى السلايدر والقوائم سواء القائمة الجانبية او القائمة الرئيسية والأزرار والصور والنصوص .. ألخ والجزء التانى هو “Back End” والجزء ده خاص بالتعامل بين السيرفر والداتابيز من أضافة وتعديل وحذف وعرض.
فى الجزء الخاص بال “Back End Development” متاح للمبرمج أستخدام أى لغة برمحة ولغة قواعد بيانات لعمل الجزء الخاص به كمثال فى مبرمج بيشتغل ب “PHP” كلغة سيرفر ومعاها “MYSQL” لقواعد البيانات فى الناحية التانية ممكن مبرمج يعمل نفس الشيئ ب “ASP.net & SQL server” قيس على كده مختلف لغات البرمجه لو المبرمج ده عنده الخبرة الخاصة بالجزء الخاص بال “Front End Development” زى انه يحول التصميم من “PSD to HTML” ويعمل الموقع متجاوب مع جميع اأحجام الشاشات “Responsive” ومتوافق مع المتصفحات بأنوعها هنا بنسمية “Full Stack Developer” لأنه عند الخبره الخاصة بالباك اند والفرونت اند بشكل كأمل.
مؤخرا ظهرت ال “JavaScript” بشكل مختلف وبقت تلعب دور غير دورها الاساسي واللى كان خاص بالخبرات بتاعت ال “Front End Development” مبقتش تقتصر على عمل مؤثرات يشوفها المستخدم عى الويب سايت بس بقى لها دور انها تتعمل مع السيرفر وقواعد البيانات وده بظهور التقنيات الجيدية القائمة على لغة الجافا سكربت زى ال “nodeJs & MongoDB & ExpressJs” واللى قدر يحترف التقنيات دى مع تقنيات ال “Front End Developer” نقدر نطلق عليه مسمى “Full Stack Developer” زي اللى قولنا عليهم فوق لأنه بيتعامل مع السيرفر وقواعد البيانات وكمان معاه الخبرات الخاصة بالفرونت أند.
كده خلاص خلصنا  😉
أزاى بس امال فين ال MEAN Stack اللى الأسطورة بيقول عليه ده.
بيقولك اللى بيستخدم التقنيات القائمة على لغة الجافاسكربت بيطلق عليه “MEAN Stack Developer” طيب تعالى نترجم معنى MEAN عشان نفهم أكتر .
MongoDB M  ودى المسؤله عن أدارة قواعد البيانات وأنشاء قواعد بيانات من نوع NoSQL .
 Express.js E  وده اطار عمل للنود لدعم وتسهيل التعامل ما بين قواعد البيانات والنود.
AAngular  هو اطار عمل لأنشاء واجهات تطبيقات الويب .

Nodej N  ودى اللى بتتعامل مع السيرفر زى ما قولنا قبل كده.أتمنى يكون المقال السريع ده أفادكم ولو بشكل بسيط … شكرا لكم.

المراجع :

https://www.codeschool.com/mean
http://mean.io/

Author Image
admin

Hi ! I'm Abdelrahman Haridy, Front-End Developer & Technical Instructor at Freelance.