Blog Details

Post Image

React VS VueJs VS Angular VS البطيخ الصيفى

السلام عليكم ورحمة الله وبركاته
بما ان سوق العمل بيتطور بشكل سريع جدا فى مجال البرمجه بشكل عام واحتياجه للعمل بالتقنيات جديدة من نوع
(SPA (single page application.
بدأت البحث عن التقينة اللى ممكن استخدمها فى ده ولقيت ان على رأس قايمة كبيرة من التقنيات دى تلاته وابتديت اجرب واتعلم كل واحده واشوف مميزات كل واحده عن التانيه… متيجوا نشوف !! 😜😏😏

اولا VueJs:

VueJs هي مكتبة جافا سكربت اثبتت قوتها رغم حداثتها ودى انشائها Even you اللى كان شغال فى Google وتحديدا فى Angular وبيقول انه هو عمل أطار العمل ده عشان يكون خفيف وسهل وده اللى اخده من Angular بدون مفاهيم معقدة.
– من ضمن مميزاتها انك ممكن تستخدم فيها webpack أو ممكن بس تستخدم script tag عشان تبدء مشروعك.
– كمان هى مدعومة من Laravel واللى بتاخد نفس الشكل الخاص بالمشاكل فى المشروع على المتصفح الخاصة ب Laravel وده بيخلى حل المشاكل اسهل واسرع بخلاف المكتبات التانية.

نفس الشكل الخاص بالمشاكل فى المشروع على المتصفح الخاصة ب Laravel وده بيخلى حل المشاكل اسهل واسرع بخلاف المكتبات التانية.


– VueJs تصلح للمشاريع الصغيره وللناس اللى شغاله لوحدها مش مع فريق او شركات كبيره.
–  VueJs سهلة التعلم مع Documentation مش هتخليك محتاج لفيديوهات وشروحات من بره.
–  VueJs هتلاقيلها plugins و مكتبات كتيرة بتدعمها عشان تقدر تطلع مشروعك سواء موبايل او ويب مع عناصر جاهزه تقدر تستخدمها بسهولة.

ثانيا React:

اللى يخليك تثق ان اختيارك الافضل فى مشروعك هو انك تعرف ان React اللى انشأها هى شركة Facebook .
– اللى شوفتوا فى React ومحبتوش الsyntex الخاص بيها انك تكتب اكواد HTML مع javaScript بشكل متداخل بيخلى الكود صعب قرايته لو رجعتله بعد كده ( وجهة نظر ) ممكن حد يختلف عليها ويحب الكتابة بالشكل ده واللى بيسموه JSX.
– React بتتميز بثباتها والتطوير فيها من فريق عملها بشكل مستمر مع documentation قوية.
– كمان عنها اكتر من 44000 سؤال واجابة على stackoverflow ده يخليك تنزل تشترى بطيخه صيفى. 😋😉
– بصراحة React تفوز بنصيب الاسد فى ال community هتلاقى مقالات كتيره جدا على reddit ده غير المدونة الرسمية بتاعتهم ومواقع خاصة باخبار المكتبة بس زي reactjsnews.
– نيجى بقى لجزء التصميم ممكن تستخدم المكتبات دى واللى بيتحلك عناصر جاهزه تقدر تستخدمها بسهولة فى تطبيقك.

لو بتحب تستخدم webpack وده الافضل 😇😇  ده متاح ليك مع بعض مكتبات الشغل التانيه زى Babel.

ثالثا Angular :

Angular 2 بقى وجوجل والشقاوة كلها … 😅😆
Angular 2 زى ما قولت فوق فى سطر الشقاوة اللى أنشأها هى شركة Google ومش معنى أنها أسمها 2 تبقى نسخة محدثه من اللى قبلها …. شوف أزاى !!!
– Angular 2 هى أعادة كتابة ل Angular 1 بشكل سلس وأحدث والاختلافات ممكن نشوفها فى :

  • انك ب Angular 2 تقدر تطور web apps , mobile apps, desktop apps.
  • السرعة الا اء Angular 2 اسرع خمس مرات.

– Angular 2 بتقولك أنك تقدر تكتب OOP وتستخدم classes زى باقى لغات البرمجة المحترمة فى كودك وبترشحلك أنك تستخدم Typescript من Microsoft عشان تقدر تعمل ده.

– طب أنا عايز عناصر جاهزه وتصاميم تساعدنى فى شغلى … بس كده مفيش أكتر منهم سواء web او mobile عندك:

  • Angular Material 2
  • Fuel-UI وده بوتستراب
  • Semantic UI for Angular 2 وده كمان للويب
  • PrimeNG
  • Onsen UI for Angular 2 ده للموبايل

طبعا جزء ال community ده مفروغ منه دي جوجل يا جماعه يعنى هتلاقى documentation اللى فى الموقع الرسمى وكمان على udemy , lyanda والى وقتنا هذا اكتر من 49000 سؤال واجابة على stackoverflow.
لو حابب تشوف حلقات لايف عن مجتمع ال Angular 2 هتلاقى برضوا angularair .

وأخيرا … محدش يسأل على البطيخ الصيفى !! 🙂
أتمنى أكون قدمت معلومة ولو بسيطه عن كل أطار عمل تم طرحه فى الموضوع … وياريت أعرف وجهة نظركم وتحبوا تبدؤا مشروعكوا الجاى بأنهى Framwork ؟؟

Author Image
admin

Hi ! I'm Abdelrahman Haridy, Front-End Developer & Technical Instructor at Freelance.